علق شريف إكرامي، حارس مرمى بيراميدز ومنتخب مصر السابق، على الأزمة التي يمر بها محمد الشناوي حارس فريق الأهلي والمنتخب الوطني، بعد استبعاده من قائمة الفراعنة للمعسكر الحالي، من قبل حسام حسن المدير الفني.
وكتب شريف إكرامي، عبر حسابه الرسمي بمنصة "إكس": "بعيدًا بقى عن مين قال إيه ومين رد على مين.. في سؤال محتاجين نقف عنده.. اللي بيحصل ده انعكاسه إيه على مركز حراسة المرمى في الأهلي؟".
وتابع: "طبيعي جداً في الكوره يبقى فيه منافسة، وطبيعي في وقت ما يحصل تسليم للراية من جيل لجيل.. لكن مش طبيعي إن التسليم نفسه يبقى محاط بكل الصراع ده".
طالع أيضًا | شوبير يرد على منتقدي حديثه عن محمد الشناوي: "المفروض تفرحوا"
وأضاف: "وإيه اللي بيحصل لما أسماء الحارسين نفسهم تتحول لأدوات في صراعات بره الملعب؟ إعلام، خلافات، رسائل، حسابات شخصية.. ساعتها هل المنافسة هتفضل جوه الملعب بس؟ ولا كل صدة، كل غلطة، وكل مشاركة هتبدأ تتشاف بأبعاد أكبر من الكورة؟".
وواصل: "طب وعلى المدى البعيد هل ده هيساعد الأهلي يعمل انتقال طبيعي في واحد من أهم المراكز في الملعب؟ ولا هيضر شكل الانتقال نفسه؟".
واختتم: "في النهايه، مش السؤال مين هيبقى حارس الأهلي، لكن وسط المنافسة والصراعات والرسائل اللي بتحصل بره الملعب، السؤال الأهم مصلحة الأهلي والمركز نفسه، فين في كل ده؟".
عرض المحتوى المنشور على twitter ↗
التعليقات